Idee
Du hesch ä Projekt im Chopf wo di allei nöd wogsch zom realisiere. Seg da din Keller zom än Partyrum ombaue, äs Zimmer oder dä Estrich usbaue, ä Gartesauna /-hüsli, ä Pergola oder en Chinderspielplatz erstelle. Dir fählt aber s’nötig Fachwösse, die richtige Maschine ond Werkzüg oder au Kenntnis vo dä Materialie.
Als glärnte Zimmermaa ond liedeschaftliche Handwerker stoh i dir mit mim Wösse, Könne ond mit mine Werkzüg zur Site.
So wird dini Vision zor Realität.
Plane
Zäme planet mer dis Projekt und haltet fest, was alles däzue nötig isch.
- Was isch dis Traum-Projekt?
- Weli Materialie stellsch du der vor?
- Wie gseht dis Budget us?
- Bruchet mer Onderstötzig vom nä Spezialist?
- Bruchet mer ä Bewilligung?
Vorbereite
Mer sprechet üs för's organisiere vom Material ab.
- Was hend mer bereits?
- Was chönd mer wiederverwerte?
- Gits irgendwo Restpöste?
- Was müend mer neu beschaffe?
- Was fö Werkzüg benötiget mer?
Usfühere
Mer startet zäme dis Projekt ond leget los.
- Nagle ond schrube
- Schufle ond pickle
- Schniede ond säge
- Hacke ond grabe
- Schliefe ond strieche
