Öber mi

Brueflichi Statione uf mim Wäg

• Zimmermann (Blumer AG und Walter Kaufmann AG)
• Instruktor der Artillerie – mit Spezialgebiet uf Logistik (Bière und Frauenfeld)
• Zivilschutzkommandant- und Instruktor (Appenzell Ausserrhoden)
• Leiter Zivilschutz, Usbildigschef, Leiter Care Team (Appenzell Ausserrhoden)

Ä paar persönlichi Sache öber mi

• Johrgang: 1974
• Lieblingsesse: Chäschnöpfli mit Zwätschgemuess
• Lieblingsschuelfach: Choche ond Werchä
• Was i nöd gern tue: s’Bett frisch azüche

Mini Usbildige

• Lehr als Zimmermann EFZ
• Berufsunteroffiziersschule der Armee BUSA
• Eidg. dipl. Zivilschutzinstruktor
• Kurs Einsatzleiter Grossereignis SFWV
• Ausbilder mit eidg. Fachausweis (SVEB 2)
• dipl. Betriebswirtschafter NDS HF
• Permakultur Designkurs

Was us mer worde isch

Vom Handwerker zom Vorgsetzte han i verschiedeni Statione dörlaufe und erläbe dörfe. Scho im Militär isch mer bsonders wichtig gse, dä Mensch is Zentrum z’setze und jede mit Respekt zbehandle. Mitarbeiter sind s’chostbarste Guet. Im Gägesatz zo Maschine, Material oder au Prozess chönd sie nöd äfach ersetzt oder ustuschet werde. Mitarbeitendi gets nöd im Lagerregal und nöd uf Bstellig – drom heb jedem Sorg.

Als Handwerker het mer Theorie allei nie glanget und i ha sGlernte immer möse i dä Praxis usprobiere. Bevor i nöd begreffe ha, wie ä Getrieb funktioniert, han is au niemertem erkläre wölle. Da isch bim Thema «Fühere vo Mensche» nöd ganz so äfach, wils weder Modell no Simulatione oder au kän Plan däför get.

I begägne Mensche uf Augehöchi, zom die gsetzte Ziel mit Erfahrige, Emotione ond Freud z’erreiche.