Usbilde ond Witerbringe
Sit 23 Johr bin i als Erwachsenebildner tätig ond gebe mini Erfahrige sehr gern praxisbezoge ond lebendig wieter.
Bim Usbilde isch mer wichtig, dass di Teilnehmende d’Inhalt verstönd ond somit Zämehäng spöter selber chönd novollzüche – ond sich so entwickle chönd.

Visualisiere
Wer’s i üsere digitale Welt schafft, Mensche mit Bilder z'berühere, gwönnt. Powerpoint-Schlachte, fehlendi Vorbereitig ond Struktur vo Meetings chostet üs täglich Ziit, Nerve und Geld. Ä zitgemässi Moderation mit Bilder, Gedankeskizze und Struktur erhöhet s'Verständnis. Komplexi Theme und abstrakti Gedanke werdet verständlich und unterstützet somit d Entscheidigsfindig. Schaff Klarheit – schaff Bilder

Fühere vo Mensche
S'Gliechgwicht zwüschet Auftragserföllig, Erfolg und dä Mensche z'halte, isch nöd ganz äfach. Wie Theorie ond Praxis i däm Spannigsfeld omgsetzt werde chönd, wöt i i mini Kürs zäge. Natürlich werd dä Kurs uf d'Chondebedürfnis ond Tätigkeite zuegschnete. Erläb a praktische Bispiel, wie en Chef zom Broggebauer und Kapitän herewachst.

Teambildig & -entwicklig
D'Natur get üs Bodehaftig, inneri Ruhe ond Kraft. Genau die positiv Omgebig möcht i usnötze, om mit euem Team Erläbnis, Useforderige und Erfolg z’schaffe. I bi i dä Natur ond im Wald gross worde und wöt mit ene in Wald itauche. Dodäbi erlebet mer vieli wunderbari Facette vo dä Natur, vo Achtsamkeit uf sich und uf die ganz Gruppe.
